अंतर्राष्ट्रीय खानपान महोत्सव मे जीतलक बेस्ट क्रिटिक अवार्ड पटना । बिहार क लोकप्रिय व्यंजन लिट्टी सिंगापुर मे चलि रहल अंतर्राष्ट्रीय खानपान महोत्सव मे अपन स्वाद क लोहा मनबा लेलक। समीक्षक मंडली लिट्टी पर लड्डू होइत एकरा बेस्ट क्रिटिक अवार्ड स सम्मानित केलथि अछि। सिंगापुर मे चलि रहल दस दिन क एहि महोत्सव क छठम दिन पटना क अशोक शाह क नाम जखन बेस्ट क्रिटिक अवार्ड लेल घोषित कैल गेल त ओहि ठाम उपस्थित बिहार मूल क करीब 200 गोटे आ भारतीय टीम क लोक खुशी स नाचए लगलाह। दुनिया भरि क एक स एक लजीज व्यंजन क बीच भारतीय पकवान कए पुरस्कार भेटला स उत्साहित इ सब महोत्सव मे भारत क नारा ‘आइये, आइये भारत के स्ट्रीट फूड आजमाइये’लगेलाह। ज्ञात हो जे पटना मे गांधी मैदान लग बिस्कोमान टावर क सामने रेहड़ी लगेनिहार शाह क स्टाल पर शाही लिट्टी बिका रहल अछि, जेकरा दुनिया भरि स आयल लोक चटखारा ल कए खा रहल छथि। भारतीय टीम क नेतृत्व क रहल रेहड़ी पटरी क राष्ट्रिय संगठन नेशनल एसोसिएशन आफ स्ट्रीट वेंडर्स आफ इंडिया (नासवी) क अंतर्राष्ट्रीय समन्वयक अरबिंद सिंह कहला अछि ले लिट्टी क स्टॉल पर पैघ संख्या मे लोक आबि रहल छथि। उल्लेखनीय अछि जे नासवी दिस स पिछला दिसंबर मे दिल्ली मे आयोजित तीन दिन क स्ट्रीट फूड फेस्टिवल मे शाह करीब डेढ लाख टकाक कारोबार केने छलाह आ हुनका पहिल पुरस्कार भेटल छल। सिंगापुर पर्यटन बोर्ड आ रेहडी -पटरी संघ क एहि आयोजन मे चीन के नूडल्स मी सियाम, फेनांग रोजाक, मलेशिया क आसाम लक्सा, मेक्सिको क तोस्तादा आ फिश टाको, अमेरिका क केकडा क बर्गर , वियतनाम क बान्ह खोत बान्ह झियो , वियतनाम क चुओई नुआंग आ सिंगापुर क वी नाम क, पुलु मयाम, अप्पम, रोजाक आ चेंग थग कए सिंगापुरी आ दुनिया क अन्य हिस्सा स आयल लोक रसास्वादन क रहल छथि।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa
टिप्पणियाँ
एक टिप्पणी भेजें